Експертите советуваат веднаш да станете кога ќе заѕвони алармот и да не го одложувате – еве зошто

Точка

29/11/2023

16:14

4.513

Големина на фонт

а а а

Постојат два типа на луѓе во светот: оние кои стануваат веднаш штом ќе го слушнат алармот и оние кои го одложуваат барем еднаш пред да станат. Научниците кои се занимаваат со навиките на спиење велат дека одложувањето на алармот може да има штетно влијание врз организмот и да го наруши сонот.

Неодамна беа објавени две нови студии во „Journal of Sleep Research“, кои се занимаваат со одложување на алармот. 69 проценти од вкупно 1.732 учесници рекле дека понекогаш го одложуваат алармот или поставуваат повеќе аларми за следното утро. Утринската поспаност бил најчестиот симптом кај оние кои го одложувале алармот.

Советуваат дека одложувањето на алармот има негативно влијание врз човекот

Во друга, помала студија, во која учествувале само 32 лица, навиките за спиење немале јасен ефект врз нештата како што се расположението, утринската поспаност и севкупниот квалитет на спиењето, известува „GoodHouseKeeping“.


„Знаеме дека одложувањето на алармот може да доведе до инерција на спиењето, термин кој се користи за опишување на зашеметеност, збунетост и утринска поспаност кои некои луѓе ги чувствуваат по будењето од длабок сон.

Значи, иако помалата студиска група не пријавила симптоми на инерција на спиење по утринското одложување на алармот, малата големина на примерокот не поддржува примена на овие резултати на пошироката популација и извлекување дефинитивен заклучок за влијанието на одложувањето при спиење“, објаснува Раџ Дасгупта, главен медицински советник за „Sleepopolis“.

Експертите советуваат, кога часовникот се менува ноќе, да не ја прифаќаме промената, туку да погледнеме кога вообичаено би станале доколку не се сменел часовникот. Тие објавија и некои други совети кои се корисни за спиење:


- придржувајте се до постојаниот распоред за спиење и будење (одење во кревет и будење во исто време седум дена во неделата)

- избегнувајте изложување на вештачка светлина најмалку еден час пред спиење

- не консумирајте кофеин, големи оброци и алкохол пред спиење, бидејќи тие можат да го прекинат сонот на различни начини

- вклучете се во релаксирачки, нестимулирачки активности пред спиење за да му кажете на вашиот мозок дека е време за опуштање



Спонзорирани линкови

Маркетинг