Одржувањето здрави заби е особено важно во раните детски години. Децата ги обожуваат слатките, и не толку ревносно ги мијат забите.
Се појавува кариес, а одењето на забар не е толку пријатно искуство. Децата не поднесуваат болка, Вие како родител се нервирате, и неретко се напушта стоматолошката ординација со преживеан стрес. Но тоа не мора да биде така!
Денес стоматологијата е толку многу напредната, се работи со софистицирана опрема и технологија така што стравот кој постои од одење на стоматолог е крајно непотребен, вели стоматологот Д-р Лилјана Бабамова.
Таа во својата ординација воведе иновативен метод на воздушна абразија со која кариесот се отстранува на комплетно безболен начин, со млаз од воздух и прашак, а може да се користи и кај деца и кај возрасни. “Нема болка, непријатен звук, вибрации и стрес. Методата е многу конфорна, третманот релаксирачки. Освен ваквите придобивки, оваа метода го штеди здравото забно ткиво од прекумерно одземање, а влијае и на квалитетот на финалните изработки. Се третираат лезии, од површни до најдлабоки, а се овозможува и третирање на повеќе заби во една сеанса и тоа без употреба на анестезија. Истовремено праксата потврдува дека пломбите изработени со оваа метода, траат двојно подолго“ вели Д-р Бабамова. Сето погоре набројано, ја прави оваа метода мошне атрактивна за нашите пациенти.
Постојат и четки за заби Мизуха кои многу ефикасно ги отстрануваат наслагите.
Таа истакнува дека не сме свесни колку се важни забите за општата здравствена состојба, и дека тие влијаат на различни органи во нашето тело. Болестите на устата и забите може да предизвикаат непријатност и болка и да бидат поврзани со други сериозни здравствени проблеми. Половина од луѓето во светот страдаат од орални заболувања, како што се расипување на забите и заболување на непцата, што може да влијаат на секој аспект од животот, од лични односи и самодоверба до функционирање во училиште и на работа.
Посетата на стоматолог не треба да биде само во моментите кога ќе не заболи заб, туку превентивно барем 2 пати во годината. Бидејќи нешто може да не е во ред со забите уште пред ние тоа да го забележиме, сметаат стоматолозите.
Одењето на стоматолог веќе нема да се поврзува само со болка, туку со здрави бели заби и убава насмевка која позитивно делува на нашата самодоверба! Веќе немате основа за изговор! Тел. број: 02/ 244 4255
Комерцијален текст
