Како што и очекувавме, серијата Samsung Galaxy S23 пристигнува во три различни верзии: S23, S23+ и S23 Ultra, рецепт кој е добро познат со години.
Samsung не се откажа од докажаните димензии на серијата S22, па моделите S23 доаѓаат и со екрани од 6,1 инчи (S23), 6,6 инчи (S23+) и 6,8 инчи (S23 Ultra). Дури и димензиите на новите телефони се повеќе или помалку идентични со оние на нивните претходници.
Екраните сè уште се одличните AMOLED 2X на 120 Hz со FHD+ резолуција кај моделите S23 и S23+, и QHD+ (1440p) кај S23 Ultra. Сите три модели имаат осветленост од 1.200 нити, која максимално достигнува 1.750 нити при силна надворешна светлина.
Samsung дефинитивно се откажа од својата Exynos платформа за најмоќните модели, па сите три верзии на телефонот S23 ќе доаѓаат со посебна варијанта на чипсетот Snapdragon 8 Gen 2. Најмоќниот модел Samsung Galaxy S23 Ultra доаѓа со малку побрз работен такт на најбрзото јадро, кое работи на 3,36 наместо 3,2 GHz. Забрзана е и графиката Adreno 740, која наместо 680, сега работи на 719 MHz.
Од оваа година, само основниот модел Samsung Galaxy S23 доаѓа со 128 GB меморија и кај него можете да изберете помеѓу 128 и 256 GB. S23+ и S23 Ultra започнуваат со 256 GB. S23+ завршува со 512 GB, а Ultra има и верзија со простор од 1 TB. Тоа што е вообичаено е дека сите модели користат UFS 4.0. за складирање податоци.
Кога станува збор за работната меморија, S23 и S23+ доаѓаат со 8 GB, додека најмоќниот модел има 12 GB, иако се споменува дека ќе постои и верзија S23 Ultra со 8/256 GB мемориска конфигурација.
Effortlessly seamless all-round. Share the Epic with the new #GalaxyS23 Series. #SamsungUnpacked
— Samsung Mobile (@SamsungMobile) February 1, 2023
Learn more: https://t.co/KQm80mxG6E pic.twitter.com/gbjGb9kmLO
Иако не отстапува премногу од минатогодишниот дизајн, оваа година Samsung користи засилен алуминиум, Gorilla Glass Victus 2 заштита на екранот и IP68 отпорност на вода и прашина кај сите три модели.
Капацитетот на батеријата е зголемен кај моделите S23 и S23+, додека верзијата Ultra останува на 5.000 mAh. Samsung Galaxy S23 има 3.900 наместо 3.700 mAh, колку што имаше и S22, додека S23+ има 4.700 во споредба со 4.500 mAh на S22+.
Полначите се исто така ограничени на 45 W оваа година (освен за S23), со поддршка за Power Delivery 3.0. Новитет е тоа што поголемите модели за половина час достигнуваат 65%, додека S23 со својот полнач од 25 W достигнува 50%. Сите три модели поддржуваат безжично полнење од 10 W. Ако се потсетиме дека минатогодишните модели поддржуваа безжично полнење од 15 W, ова е една од работите што отидоа наназад.
Samsung S23 Ultra Finally 200MP main camera.#SamsungUnpacked #GalaxyS23Ultra pic.twitter.com/mw66PABmqT
— Abhay (@undefiledtech) February 1, 2023
Тоа што сите најмногу го чекаа се камерите.
Samsung Galaxy S23 Ultra доаѓа со главна камера од 200 MP, f/1,7 камера со PDAF и ласерски AF, заедно со оптичка стабилизација. Станува збор за ISOCELL HP2 адаптивен сензор кој може да фотографира во 200, 50 или 12 MP, а апликацијата за камера сега ќе добие интеграција на опција Expert RAW, за напредни можности за фотографирање. Останатите три камери не се променети, а новитет е новиот селфи сензор. Камерата од 12 MP f/2.2 има автофокус PDAF со два пиксели и широка предна леќа.
Покрај поголемите батерии, S23 и S23+ доаѓаат со речиси идентичен систем на камера, кој сега може да снима во 8K преку главниот сензор, па практично единственото подобрување е новата селфи камера што ја имаат сите три модели. Тоа значи главна камера од 50 MP, широкоаголна камера од 12 MP од 120 степени и задна телефото камера од 10 MP 3x.
Почнувајќи од 17 февруари 2023 година, Galaxy S23 Ultra, Galaxy S23+ и Galaxy S23 ќе бидат достапни од операторите и трговците на мало, како и на Samsung.com. Серијата Galaxy S23 доаѓа во четири нијанси инспирирани од природата: фантомско црна, крем, зелена и лаванда.
Galaxy S23 Ultra ќе се продава во Северна Македонија по препорачана малопродажна цена од 83.999 ден, Galaxy S23 + по препорачана малопродажна цена од 71.999 ден и Galaxy S23 по 56.999 ден.
From Nightography to Gaming, Share the Epic – with the new #GalaxyS23 Ultra. #SamsungUnpacked
— Samsung Mobile (@SamsungMobile) February 1, 2023
Learn more: https://t.co/jorO8mjUVW pic.twitter.com/owRAQGBwbc
Need help deciding between #GalaxyS23 and Galaxy S23+?#SamsungUnpacked
— Samsung Mobile (@SamsungMobile) February 1, 2023
Learn more: https://t.co/QA84tsxj4R pic.twitter.com/ewvCIKzCl6