Снимката од мачка од Будва, која ги пречекала минувачите и ги „намамила“ да седнат во бар, го привлече вниманието на многу корисници на X и им измами насмевка на лицето.
На оградата во близина на „Freedom Bar“ бил закачен плакат на кој пишувало „Следете ја мачката“. Таа подготвено ги чекала минувачите. Кога ѝ се приближиле, ги одвела до влезот и скокнала на масата.
Посетителите биле воодушевени од овој нејзин потег. На масата имало и слика од мачката со интересен натпис: „Не сум дебела, само пукам од сексапил“.
Снимката досега собра повеќе од 600.000 прегледи на X и речиси 30 илјади лајкови.
⚫️ Karadağ’da bir restoranda kapıda müşterileri karşılayan kedi, gelen müşterilere boş masaları göstererek adeta garsonluk yapıyor. https://t.co/5Lsj16vn7e
— SİYAH SANCAK (@siyahsancakx) September 25, 2026
„Го тераат животното да работи како лудо! Каде е правдата за мачките?“, „Не ѝ оставивте бакшиш“, „Ако малку ја истренирате, ќе почне и да ги услужува гостите“, „Ова е преслатко“, се дел од коментарите.
Високата популација на мачки во Црна Гора, особено во приморските градови како Котор, Будва, Пераст и Херцег Нови, е резултат на спојот на историски причини, поволната клима и локалната културна традиција.
Како важни трговски и поморски центри на Јадранот, црногорските приморски градови со векови ги прифаќале мачките кои пристигнувале со бродови. Морнарите ги чувале за да ги заштитат залихите со храна од стаорци, а по пристигнувањето во пристаништето, мачките останувале во градот и продолжувале да ја контролираат популацијата на штетниците.
Во градовите како Котор, мачките станале неофицијален симбол на градот. Мештаните и туристите редовно ги хранат. Во Котор постои и Музеј на мачки, како и бројни продавници за сувенири посветени токму на овие животни.
