Вертхајм не е класичен милијардер кој богатството го стекнал во технологијата или финансиите. Кариерата ја изградил како очен лекар и пронаоѓач, а во текот на децениите развил низа медицински уреди и решенија. „Carscoops“ наведува дека зад него стојат повеќе од 100 патенти, а неговото богатство денес се проценува на милијарди долари.

Ова не му е првпат

Уште поинтересно е што ова не е првпат Вертхајм да привлече внимание на голема аукција на „Ferrari“. И минатата година направил сличен потег, купувајќи специјален „Ferrari“ за огромна сума, исто така во хуманитарни цели. Токму затоа неговото ново влегување во историјата не било сосема случајно.

Овојпат го купил првиот примерок на „Luce“, автомобил кој предизвика поделени реакции веднаш штом беше претставен. Дел од јавноста отворено го критикуваше неговиот дизајн, а сериската цена на моделот се движи околу 640.000 долари. Вертхајм за првиот примерок платил повеќекратно повеќе.

Секако, конечната цена не е поврзана само со пазарната вредност на автомобилот. Станува збор за шасијата со број 0, првиот примерок на првиот целосно електричен „Ferrari“ и хуманитарна аукција, па целиот настан имаше вредност далеку поголема од обично купување автомобил.

Сепак, приказната за купувачот сега можеби станува подеднакво интересна како и самиот „Ferrari“. На 87-годишна возраст, по децении поминати во медицината и пронаоѓаштвото, Вертхајм издвоил сума за која би можела да се купи цела гаража со најпосакуваните суперавтомобили — и ја потрошил на само еден.