Соработката не настанала случајно. Од „Singer“ велат дека станува збор за спој на два бренда кои ги поврзуваат патувањата, опседнатоста со деталите и рачната изработка, додека „Louis Vuitton“ целата приказна ја поврзува со својата филозофија „Art of Travel“.

Два „Porsche“ автомобили, но со сосема поинаков потпис

Најинтересниот дел од приказната е што овде не станува збор за класично „модно“ брендирање на автомобилите. „Singer“ и „Louis Vuitton“ не се задоволиле само со неколку логоа и посебна боја на каросеријата, туку отишле многу подалеку во персонализацијата на целиот проект.

„Singer“ и претходно покажуваше колку далеку може да оди во реставрацијата и преобликувањето на класичните „Porsche 911“, а оваа соработка дополнително ја подигна приказната на повисоко ниво, бидејќи „Louis Vuitton“ во неа го внесе својот препознатлив луксузен и дизајнерски потпис.

Визуелно, целиот проект изгледа како спој на автомобилското колекционерство и високата мода. Токму затоа приказната има многу поширок досег од типична автомобилска вест – ова не е само „Porsche“ за љубителите на „911“, туку и луксузен предмет за публиката која ги следи дизајнот, модата и ексклузивните лимитирани соработки.