Она што е сигурно е дека и двете решенија влијаат врз потрошувачката на гориво, но на различен начин.

Клима уредот користи енергија од моторот за својата работа, што ја зголемува потрошувачката на гориво. Од друга страна, отворените прозорци не трошат дополнителна енергија, но го менуваат протокот на воздух околу автомобилот и создаваат поголем отпор при возење, особено при повисоки брзини.

Во градски услови отворените прозорци се подобар избор

При градско возење, кога автомобилот најчесто се движи со брзина помала од 50 километри на час, отворањето на прозорците има минимално влијание врз аеродинамиката.

Бидејќи клима уредот дополнително го оптоварува моторот и ја зголемува потрошувачката на гориво, во градски услови спуштањето на прозорците најчесто е поекономично решение, под услов надворешната температура да го дозволува тоа.

Дополнително, на пократки релации клима уредот често нема доволно време ефикасно да ја разлади кабината.

На автопат клима уредот е поисплатлив

Ситуацијата целосно се менува при возење на автопат или на брзи сообраќајници, кога брзината надминува 90 километри на час.

Тогаш отворените прозорци создаваат дополнителни турбуленции и го зголемуваат отпорот на воздухот, што го принудува моторот да работи поинтензивно за да ја одржи брзината. Како резултат на тоа, расте и потрошувачката на гориво.

Поради ова, при повисоки брзини клима уредот е поефикасно решение отколку возењето со отворени прозорци.

При подолги патувања се препорачува возење со затворени прозорци и користење на клима уредот со умерен интензитет.

Како што пренесува шпанскиот весник „El Pais“, клучот не е да се избере само едно решение, туку двата системи да се користат во вистинскиот момент.

Правилото е едноставно:

• Во град и при помали брзини – отворени прозорци.

• На автопат и при поголеми брзини – клима-уред.

Со други зборови, одговорот на вечното прашање на возачите постои, но не е ист за секоја ситуација.