Една компанија од Кина стана хит на социјалните мрежи откако директорот одлучи на своите вработени да им подари значителен бонус.
Директорот на компанијата „Henan Kuangshan Crane“ одлучи на своите работници да им подели бонус од дури 22 милиони евра, од кои 7,3 милиони беа распределени на настан со посебен услов – вработените да земат онолку пари колку што можат да понесат во рацете.
A dream corporate party took place in China
— NEXTA (@nexta_tv) February 26, 2026
During a Chinese New Year celebration, Henan Kuangshan Crane piled up mountains of cash for 7,000 employees.
There were $26 million in cash laid out on the table. The only rule: take it with your hands and carry it away yourself.
The… pic.twitter.com/hH79ej7Bk6
Прославата на која се одвиваше оваа необична распределба се одржа на 13 февруари. Беа поставени 800 маси за приближно 7.000 луѓе.
Видеото објавено на интернет прикажува маси покриени со банкноти, додека други снимки покажуваат работници како носат пари во пакети.
Според пишувањето на весникот „South China Morning Post“, компанијата, основана во септември 2002 година, остварила вкупна добивка од 33 милиони евра за 2025 година, што значи дека речиси 70% од таа добивка била поделена меѓу нејзините 7.000 вработени.
Ова е компанија што произведува и нуди услуги поврзани со кранови, а присутна е во повеќе од 130 земји ширум светот.
Како што известуваат кинеските весници, во март 2025 година истата компанија поделила 195.000 евра како бонус за 2.000 вработени жени по повод Денот на жената.
Како резултат на овие практики, директорот на компанијата е окарактеризиран како „шефот што најмногу сака да дели пари“, а тој одговорил: „Не е дека сакам да делам пари, туку младите луѓе се оптоварени со автомобилски кредити и хипотеки и секое олеснување што можеме да го обезбедиме помага“.
