Видеото во кое таа ја прикажува својата архива ги воодушеви љубителите на модата и собра десетици илјади лајкови, пишува „Њузвик“.

Оваа 32-годишна жена, која покрај работата со полно работно време во банката и истовремено гради кариера како фотографка, раскажа како нејзината фасцинација со модната фотографија и печатените публикации се претвориле во голема приватна колекција, која денес ја следи публика низ целиот интернет.

Нејзиното видео на Тикток е прегледано повеќе од 100.000 пати. На него можете да видите уредно подредени изданија на „Вог“, „Ел“, „Харперс базар“, „Л’Уомо Вог“ и други, подредени по наслов, година и месец, така што целата полица изгледа како голем ѕид од историјата на модата.

Во описот таа накратко напиша: „Изградив своја библиотека од винтиџ модни списанија“.

Како започнала страста?

Нејзината опсесија со модните списанија започнува од нејзините училишни денови. За време на нејзината пракса во „7-елевен“, ѝ било дозволено да понесе дома две полни вреќи со работи, а меѓу нив имало и примероци од списанието „Вог“. Растејќи во 2000-тите, таа поминувала време на блогови на „Тамблр“ каде што споделувала скенирани страници од стари изданија, а од 2013 година редовно ја посетувала модната архива на јавната библиотека во Стокхолм.

Од колекција до онлајн заедница

Во текот на летото 2025 година, таа почнала да ги објавува своите откритија на Тикток. На почетокот, видеата биле фокусирани на поновите изданија бидејќи нејзиниот стан се реновирал. Сепак, реакциите дошле брзо, се јавиле колекционери, љубители на списанија и ентузијасти за мода.

„Почна да се формира заедница на обожаватели на модни списанија“,  рекла таа.

Дури откако ги поставила полиците и организирала сè, видеата почнале да привлекуваат уште поголемо внимание.

Омилени примероци и планови

Најстариот примерок што го поседува е „Ел Франција“ од 1954 година, кој го добила бесплатно на париски пазар бидејќи бил премногу оштетен за да се продаде. Најстариот „Вог“ во нејзината колекција е американското издание од 1966 година, со еден од првите супермодели во светот, Верушка, на насловната страница.

Денес, таа продолжува да ја проширува библиотеката, фокусирајќи се главно на изданија од средината на 1980-тите, 1990-тите и почетокот на 2000-тите. Нејзиниот сон е модната фотографија да стане нејзина главна работа и еден ден да им помогне на уредници како „Вог“ и „Харперс базар“ да ги организираат и градат своите онлајн архиви.