Во време кога скоро секој детаљ од свадбите се снима и споделува на интернет, дури и најмалата ситуација може брзо да стане вирална и да предизвика жестоки дебати. Едно видео од венчавка во Србија во последните неколку дена привлече големо внимание, отворајќи дискусија за бонтон, симболика и пораки што се испраќаат уште на самиот почеток на брачниот живот.
Бакнежот што не се очекуваше
Сè започна сосема вообичаено. Церемонијата се одвивала според стандардниот ред — матичарката го завршила официјалниот дел, им упатила честитки на младенците и кумовите, а потоа дошол моментот кога традиционално се очекува првиот брачен бакнеж. Сепак, наместо да се сврти кон невестата, младоженецот прво изговорил „благодарам“, а потоа се прегрнал со кумот, оставајќи ги присутните во благ шок.
Kakav loš početak braka 😅 Ja bih poludela pic.twitter.com/lurilKGD34
— Milica Nisić (@Nisic2Nisic) January 19, 2026
Снимката од овој момент брзо се појави на социјалните мрежи, а една корисничка напиша коментар: „Каков лош почеток на бракот! Јас би полудела!“. Оваа реченица дополнително поттикна лавина од коментари и расправи.
Брза и духовита реакција на невестата
Иако беше изненадена, невестата реагираше на начин што многумина ги насмеа. Кога младоженецот по прегратката со кумот се сврте кон неа за бакнеж, таа се насмеа и рече: „Е, сега почекај“, а потоа и сама отиде да се поздрави со кумот. Нивниот хумористичен одговор предизвика смеење меѓу гостите, а ситуацијата на венчавката беше доживеана како шега, без каква било тензија.
Вирална расправа: шега или лош предзнак?
Додека младенците и гостите сè доживеале со насмевка, реакциите на интернет беа поделени. Некои го видеa како симпатична досетка, додека други го протолкуваа овој момент како лош знак за почетокот на брачниот живот.
„Не е ни за развод, туку за поништување на бракот веднаш“, „Ова навистина би ме изнервирало да ми се случи“, „Ова навистина не е во ред, колку и да се смеат“, „Па што правиш Србине?“, се дел од коментарите на загрижените корисници.
„Кум е кум“: Одбрана на младоженецот
Од друга страна, многумина застанаа во одбрана на младоженецот и невестата, истакнувајќи дека во целата ситуација не гледаат ништо спорно.
„Луѓе, опуштете се, ова е само шега“, „Кум е кум“, „Ако се суди по ова, ги чека интересен и убав брак. Нашиот почна слично пред 17 години и денес се смееме на тоа“, „Невестата се снајде одлично и му возврати со иста мера, се забавувале и себеси и гостите“, се само дел од коментарите на оние кои сметаат дека хуморот може да биде одличен начин бракот да започне на лесен и весел начин.
Еден краток момент од венчавка уште еднаш покажува колку денес дури и наизглед баналните, секојдневни ситуации лесно се претвораат во вирални теми што предизвикуваат бројни реакции и расправи за бонтон, обичаи и симболика.
