Своето искуство го споделила на социјалните мрежи и детално го опишала купувањето. Станува збор за модуларен кауч обложен со кадифена ткаенина, кој го платила 484 фунти (околу 552 евра). Мебелот ѝ пристигнал во пет вакуумирани кутии, а биле потребни околу три дена материјалот целосно да се „надуе“, рашири и да ја добие конечната форма.

„Повеќето купувања од „Тему“ ми беа промашување“

Задоволна од тоа како каучот изгледа во дневната соба, оваа креаторка на содржини им порача и на другите да не се плашат да нарачаат. „Ако размислувате за кауч од „Тему“, навистина би ви препорачала да се осмелите“, рекла таа.

Додала и практичен совет: каучот, тврди, е многу удобен, но и огромен – па би било паметно пред нарачката добро да се измери просторот. Признала и дека нејзините претходни нарачки од таа страница главно биле „целосно промашување“, но оваа ја нарекува „чиста победа“.

Видеото е хит на ТикТок

Нејзиното видео на ТикТок, објавено под корисничкото име @krissiejane, за само два дена собрало речиси 80 илјади прегледи и поттикнало голем број коментари. Во расправата се вклучиле и други корисници, а многумина напишале дека и самите се задоволни од слични купувања.

„Го обожавам“, порача една корисничка, додека друга додаде: „Леле, изгледа неверојатно“. Една жена признала дека и самата била на работ да го купи, а се јавил и уште еден купувач од „Тему“: „Ние нашиот го обожаваме – најдобриот кауч што некогаш сме го имале“.