Затоа и не зачудува што токму околу Новата година низ вековите се создале низа обичаи и суеверија: некои се забавни, некои бизарни, а некои дури и опасни, но за сите се верува дека носат среќа во годината што следи. Во продолжение неколку од најневообичаените обичаи што и денес ги практикуваат народите во различни земји.

Палење лоши спомени и облека во форма на пари

Во Еквадор, на пример, постои обичај во старата година да се палат страшила наполнети со хартија, а се палат и фотографии и работи од претходната година што сакаме да ги оставиме зад себе. На Филипините, пак, во старата година сè се врти околу една работа: парите.

Со надеж дека тоа ќе им донесе богатство и просперитет, Филипинците се обидуваат да најдат што повеќе тркалезни работи: тркалезна облека, храна, украси, чаши… Во старата година и на новогодишната ноќ никогаш не е доволно работи што потсетуваат на обликот на монетите.

Некој ви скршил чинија пред вратата? Во Данска тоа носи среќа

Данците имаат невообичаен обичај да кршат чинии пред вратите на своите соседи и пријатели. Цела година собираат стари и оштетени чинии, за на 31 декември навечер да ги фрлат на влезните врати на други луѓе. Колку е поголем бројот на скршени чинии пред вашата врата, толку повеќе среќа ќе имате во новата година.

Ако ова ви звучи чудно и агресивно, слушнете што прават Перуанците. Имено на годишниот фестивал Таканакуј (Takanakuy), луѓето се тепаат со голи тупаници и тоа под надзор и со дозвола од полицијата.

Зборот „таканакуј“ во превод значи „вжештена крв“, но учесниците во овие тепачки често се пријатели, познаници или членови на семејството кои немаат ништо едни против други — само сакаат со пријателска тепачка да влезат свежо во Новата година.

Црвена долна облека за љубов, жолта за пари и кариера, бела за мир

Шпанците имаат многу помирољубив обичај: на новогодишната ноќ, додека се одбројува до полноќ, јадат точно 12 зрна грозје – по едно за среќа во секој месец од годината што доаѓа. Во Италија, Шпанија, Хрватска и во многу други земји, на новогодишната ноќ се носи црвена долна облека за среќа во љубовта, но во Јужна Америка имаат боја на гаќички и за други новогодишни желби. Оној кој посакува пари и успех во кариерата треба да облече жолта долна облека, а оние што посакуваат смиреност треба да се одлучат за бела боја.

И додека во поголемиот дел од светот се одбројуваат десетина секунди пред Новата година, евентуално 15, во Јапонија ѕвоната ѕвонат дури 108 пати пред полноќ. Таму исто така се верува дека полноќта треба да се дочека насмеан, бидејќи тоа носи среќа во годината што доаѓа.