Во продолжение - каде можете да ги слушате дел од најактуелните имиња на 31 декември.

Антониа Гиговска во PARK by Ragusa Group

Антониа подготвува најгламурозна денска новогодишна забава во ресторанот PARK. Настанот стартува напладне, а најавата од неа ветува уникатна енергија, одлични сетови и забава која ќе трае со часови. Резервациите веќе се пополнуваат, па ова изгледа како едно од најпопуларните места за дочек.

Тамара Тодевска и Каролина Гочева - голем концерт во Скопје

Град Скопје го организира официјалниот новогодишен дочек со двете најголеми македонски поп диви - Тамара и Каролина. Ова е редок настап во кој двете пејачки ќе споделат сцена и ќе создадат вистински музички спектакл кој, без сомнение, ќе биде централниот настан во градот.

Иван Јованов и Либеро Бенд во Ragusa 360 Rooftop

За оние што сакаат денска еуфорија на висина - Либеро Бенд ќе настапат во познатиот rooftop Ragusa 360. Со најдобрите хитови и директна енергија, ова е забава зад која стои голем интерес. 

Огнен Здравковски во Solis Point (Capitol Mall)

Solis Point го краси урбан стил, а Огнен Здравковски додава силен поп звук за незаборавна атмосфера на денската новогодишна забава. Локацијата ветува модерна забава, коктели и забава со стил.

Александра Јанева во Beer Garden

Александра го најави најдолгиот дневен новогодишен парти концепт во Beer Garden. Нешто поинакво од стандардните дочек-формули - забава што почнува порано, трае долго и ветува интензивна атмосфера уште од првата песна. 

Ивана Карајан во Давидо кафе

По подолга пауза, Ивана се враќа во Davido Cafe - токму за Нова Година. Публиката ќе ја чуе одблизу со вистински „кафе“ амбиент и позитивна енергија.

Оваа година Скопје нуди невидена понуда за Нова Година – од урбани rooftops, преку поп-џинови на градскиот плоштад, па сè до интимни клубски забави. Изгледа дека 2026 ќе ја започнеме со музика, светла и поп експлозија што ќе се памети.

Автор: Ц.Н.