Како и многу борби на Пол, и оваа беше прогласена за контроверзна поради огромната разлика во искуството. Но овојпат Пол не е тој што е исмеван поради изборот на „полесен“ противник. Во пресрет на нивниот судир во Мајами, Џошуа му испрати застрашувачко предупредување на Пол. Изјави дека самоуништувањето го смета за вистинска победа.

Таинствена порака предизвика вознемиреност

Додека возбудата околу мечот расте од ден на ден, Пол со својата објава на социјалните мрежи ги загрижи и обожавателите и критичарите. Сега стравуваат дека од борбата нема да има ништо. „Вторник, 15 часот (по наше време). Важна објава. Морам. Така е како што е“, напиша Пол на платформата „X“.

Оваа кратка порака беше доволна да започне лавина коментари. Уште од моментот кога борбата беше најавена како замена за мечот на Пол против Герво́нта Дејвис, голем дел од боксерската заедница предвидуваше дека тој на крај ќе се повлече. „Само кажи ни дека веќе се откажуваш, брат“, напиша еден обожавател. „И борбата е откажана, ајде“, коментираше друг.

И покрај реакциите, засега не е познато дали објавата на Пол навистина се однесува на мечот со Џошуа. Но формулацијата на неговата изјава не звучи ветувачки. „Дали ’Еј-Џеј‘ одби да ја потпише твојата клаузула ’те молам, немој да ме удираш‘?“, се пошегува еден следбеник.

Пол досега не откажувал борби

Иако обожавателите нагаѓаат за можна повлеченост, важно е да се нагласи дека „Проблематичното дете“, како што го нарекуваат Пол, никогаш досега не се повлекол од договорена борба. Во текот на неговата петгодишна кариера биле откажани пет мечеви. Но во сите случаи одлуката доаѓала од страната на неговите противници.