Манчестер Сити во раната фаза на второто полувреме се чинеше дека го има натпреварот против Фулам во свои раце, но тоа што наликуваше на чиста рутина при резултат 1:5, на крајот се претвори во вистинска агонија за играчите и навивачите, но и за менаџерот Пеп Гвардиола.
Фудбалската претстава која ја режираа Фулам и Манчестер Сити само потврди зошто Премиер лигата е најзабавно и најдобро фудбалско првенство во овој момент, а воодушевен остана и Гвардиола кој прес-конференцијата ја започна со прашање до новинарите.
– Уживавте ли момци? Добро беше нели? Дали ми беше добро мене? Останав без коса……, – изјави Гвардиола, по што експресно стана хит на Островот.
Reporter: ‘Did you enjoy the game?’
— george (@StokeyyG2) December 2, 2025
Pep: ‘My God, I lose my hair!’
Brilliant as always from Guardiola 👏🤣
[@BeanymanSports] pic.twitter.com/z9IaXLLxUk
– Знам дека ќе ме прашате што се случи, но немам вистински одговор. Ќе ви кажам, ова е Премиер лигата, фудбалот носи емоции и неверојатни моменти. Сите голови кои ги примивме беа поради лоша одбрана, но исто така направивме и многу добри работи против одличен тим на Фулам. Фудбалот е моменти, имавме шанса за 6:3 преку Халанд, а во следниот напад беше 5:4. Кога ќе се случи тоа, на крајот треба само да преживеете. Не ме прашувајте како успеавме, сигурен сум дека не знаат ниту играчите. Во вакви моменти потребна ви е среќа, а денеска беше на наша страна, – изјави Гвардиола.
