Видеото е истовремено преслатко и малку застрашувачки потсетник на тоа што денес може да се создаде со „AI“ кога ќе се спојат технологијата и семејната носталгија.
Внуците за 90. роденден на својот дедо му направиле специјално „AI“ видео, во кое најпрвин „изведува“ салто, а потоа пред неговите очи оживуваат стари семејни фотографии и спомени. Резултатот е вирален клип кој спојува чиста носталгија и моќта на современата вештачка интелигенција.
Во виралното видео на "Instagram", семејството за 90. роденден на дедото подготвило уникатна „AI“ честитка. Првиот дел од видеото го прикажува дедото како прави совршено салто, иако во реалноста тешко оди – сè е генерирано со вештачка интелигенција, но за него и за сите околу него тоа изгледа како најзабавен „што ако“ момент.
Потоа следува емотивниот дел: со помош на „AI“ алати оживеани се стари семејни фотографии, лица и моменти од неговиот живот. Луѓето на сликите се движат, се смеат и го поздравуваат, додека дедото, седнат во фотелја, гледа како неговото минато буквално се придвижува пред неговите очи – со солзи во очите и насмевка на лицето.
Видеото е истовремено преслатко и малку застрашувачки потсетник на тоа што денес може да се создаде со „AI“ кога ќе се спојат технологијата и семејната носталгија.
