Младата пејачка и актерка Луна Бејков повторно го привлече вниманието на јавноста со серија фотографии на кои зрачи со префинет, модерен и впечатлив изглед.
Со смела, но елегантна естетика, Луна уште еднаш ја потврдува титулата на една од најстилските млади уметници на домашната сцена.
На новите фотографии, пејачката се појавува во темни, минималистички комбинации што совршено ја истакнуваат нејзината природна убавина. Нејзиниот препознатлив поглед, нежниот сјај на кожата и современата фризура со шишки се деталите што веднаш ја издвојуваат од другите и ѝ даваат препознатлива визуелна идентификација.
Покрај стилскиот момент, Луна продолжува да гради успешна кариера. По нејзиниот прв сингл „Признај“, снимен во продукција на IDJ, младата уметница доби бројни пофалби за вокалната техника, сценската смиреност и емоцијата со која ги пренесува своите интерпретации.
Нејзината улога во тинејџерската серија „Тин Камп“ дополнително ја зацврстува нејзината позиција како едно од најпреспективните млади лица во домашната индустрија.
Со својата автентичност, харизма и јасно дефиниран стил, Луна Бејков станува пример за новата генерација – креативна, смела и своја. Публиката со нетрпение ги очекува нејзините следни музички и визуелни проекти, а нејзиното име сè почесто се споменува како идно големо музичко и медиумско лице.
Автор: Ц.Н.
