По трагичниот настан на 11-ти март во Еквадор, кога во сон од инфаркт почина легендарниот актер Кирил Поп Христов – Кили, на 58-годишна возраст, неговото семејство сè уште се справува со огромната загуба.
Неговата сопруга, кореографката Гордана Деан Поп Христова, тогаш сподели дека со него ја врзуваат само убави спомени и дека заминал мирно, во сон.
Кили од 2014 година живееше во Еквадор заедно со сопругата и нивната ќерка Јоана. Гордана признава дека тешко ја прифаќа разделбата и дека длабоко ѝ недостига неговото присуство.
Преку објава на својот профил на Фејсбук, таа сподели искрени и емотивни зборови, придружени со фотографија од Кили:
„Ништо повеќе не е исто, сè е сменето за Јоана и мене тука во Еквадор, куќата е празна, мрачно... само дрвото е останато исто, живо, големо, зелено“, напиша Гордана.
