Аргентинците воведоа нов шампионски трофеј, Ди Марија и Розарио неочекувано се закитија со титулата

Ветеранот Анхел Ди Марија и неговите соиграчи се прогласени за аргентински шампиони за 2025 година, нешто што е невообичаено бидејќи форматот на аргентинската прва лига подразбира прваци на апертура и клаусура деловите од шампионатот.

Раководството на лигата и асоцијацијата донеле одлука во иднина да биде прогласуван и календарски шампион, па Розарио стигна до ваков примат бидејќи има освоено најмногу бодови во текот на актуелната година.

Со оваа промена, годишната табела ќе одлучува и за пласманот во Либертадорес купот, како и за екипите кои ќе го загубат прволигашкиот статус.

Платенсе е екипата која годинава ја освои титулата во Апертура делот, додека наскоро започнува плејофот во Клаусура делот од првенството.