На престижната гала вечера во Лос Анџелес, Синди Крафорд и Каја Гербер повторно го украдоа целото внимание – и тоа со добра причина. Легендарната манекенка и нејзината ќерка се појавија на црвениот тепих на „LACMA Art+Film“ во слични комбинации што многумина се пошегуваа велејќи дека гледаат близначки.
Каја Гербер, една од најбараните манекенки на нејзината генерација, избра фустан во впечатлива боја на цреша, покриен со светки од колекцијата на Гучи.
Црвениот фустан ја следел линијата на телото и има малку подлабоко деколте Моделот веднаш ги потсети модните познавачи на легендарниот црвен модел на Версаче што нејзината мајка го носеше на Оскарите во 1991 година, кога се појави на црвениот тепих со тогашниот партнер Ричард Гир.
Синди Крафорд, од друга страна, се одлучи за златен фустан со спуштени рамена, богато украсен со монистра и текстурирани цветни детали. Станува збор за модел од колекцијата на Гучи за пролет 2026 година. Познатата манекенка надополнила сè со црни салонки и препознатливата брановидна коса.
Синди Крафорд е дел од златната генерација на манекенки кои одамна го освоија светот, а Каја очигледно е нејзина достојна наследничка пред чија убавина сите повторно занемеа.
