Холивудските ѕвезди најчесто се венчаваат меѓусебно, а и овој великан имал врски и бракови со актерки. Сепак, најголемата – и, како што самиот нагласува, последна љубов во својот живот ја пронашол во „обична смртничка“, на сосема неочекуван начин.
Кристофер Лојд е пример за континуитет во Холивуд каков што ретко се среќава, а актерот од крајот на седумдесеттите па сѐ до денес е дел од некои од најзначајните холивудски проекти, како на филм така и на телевизија.
Актерот кој денес го прославува својот 87-ми роденден е најомилен поради трилогијата „Back to the Future“, а по повеќе од една деценија на театарската сцена дебитираше на филм во „One Flew Over the Cuckoo’s Nest“, по што следеа улоги во „Star Trek“, „The Addams Family“…
Позајмуваше глас на бројни анимирани јунаци, а неодамна се врати во светот на Адамсови преку серијата „Wednesday“, каде го толкува професорот Орлоф (односно – неговата глава).
Во текот на кариерата што трае со децении, тој бил дел од највисоките холивудски кругови, но успеал да се држи настрана од скандали и таблоиди – и покрај возбудливиот приватен, особено љубовен живот.
Пет брака на Кристофер Лојд
Кристофер Лојд се женел пет пати. Првиот брак бил уште пред да влезе во актерството, во далечната 1959 година, кога ја запросил Кетрин Далас Диксон Бојд. Се развеле во 1971 година, а потоа во 1974 се оженил со актерката Кеј Торнборг, од која се разделил во 1987 година.
Третиот брак бил со Керол Ен Ванек, кој траел само две години, а потоа се оженил со сценаристката Џеј Вокер Вуд, со која бил во брак од 1992 до 2005 година.
Кога актерот ја продавал својата луксузна вила во Монтесито, Калифорнија, во 2012 година, ја запознал агентката за недвижности Лиса Лојаконо – 31 година помлада од него – и следела голема љубов.
Нивната љубовна приказна ја крунисале со брак во 2016 година. Оттогаш, парот живее мирен и повлечен живот и се појавуваат заедно само повремено – најчесто на црвениот тепих при премиери на филмови и серии на Лојд.
Разликата од три децении не биле пречка за љубовта
Последен пат беа видени заедно во август оваа година, прегрнати на премиерата на филмот „Nobody 2“, каде Лиса му беше поддршка на својот славен сопруг. Кристофер Лојд неодамна истакна дека Лиса му е најголемата поддршка и дека нема намера повторно да се жени.
„Таа е мојот најголем обожавател... Петтата ќе биде последна“, изјави актерот во интервју за „Guardian“.
Како што нагласи тогаш, особено му е драго кога снима блиску до нивниот дом во Калифорнија – бидејќи по работниот ден може да се врати дома и да ужива во друштво на Лиса и домашната кујна.
„Мислам дека така се запознаваме уште подобро“, вели актерот.
