Има ли поубава и порадосна вест за луѓето кога ќе слушнат дека некој се остварил во улогата на родител?
Овојпат 30-годишниот капитен на македонската фудбалска репрезентација Енис Барди и неговата избраничка Фестина, станаа родители.
Парот доби ќеркичка, а македонскиот капитен сподели фотографии со неа.
Бебенцето се родило во Турција, а убавата и среќна вест ја споделија од неговиот клуб Коњаспор кои меѓу првите му честитаа за оваа радост.
Името на девојчето и новата радост во домот на Барди е Аја.
„Нашиот фудбалер Енис Барди и неговата сопруга Фестина добија ќеркичка, која ја крстија Аја. Му честитаме на семејството Барди и ѝ посакуваме на малата Аја среќен и здрав живот“, пишува во објавата на клубот.
Фудбалерот на социјалната мрежа Инстаграм објави фотографија на која ја држи својата ќеркичка во рацете, а забележливо е дека на неговата среќа ѝ нема крај.
Тимот на Точка им честита на Барди и неговата сопруга за нивната најголема титула во животот – родители.
