Американската ријалити ѕвезда Ким Кардашијан изненади со драстичната промена на изгледот за време на појавувањето на модната ревија на „Мезон Марџиела“ во Париз.
Имено, Ким драстично го сменила својот стил и се појавила на модната ревија во Париз со пикси фризура. Нејзината долга коса, која беше нејзин заштитен знак со децении е заменета со кратка коса.
Стилот е очигледно инспириран од изгледот на француските икони како Лесли Карон и Одри Тоту. Нејзиниот фризер, Крис Аплтон, ја нарече трансформацијата „париски пикси“.
Инаку на ревијата на „Мезон Марџиела“, Ким носела сиво палто во комбинација со црн ѓердан со панделка, создавајќи софистициран и елегантен изглед.
Додека за ревијата на „Alaïa“ одбрала долг фустан без прерамки со структуриран корсет, во комбинација со црно крзнено палто, ракавици и сребрени обетки.
Со оваа трансформација, Кардашијан потсети на нејзината мајка, Крис Џенер, која често носи слична пикси фризура.
Денес
