Американскиот пејач Ашер го прекина интимниот момент со обожавателка за време на саботниот концерт во Нешвил, откако нејзината реакција на сцената делуваше воздржано.
На снимката од концертот се гледа како Ашер, без маица, ѝ приоѓа на жената која седи на сцената и се обидува да ја засили атмосферата за време на настапот. Кога забележал дека таа не возвраќа со очекуваната реакција, се оддалечил и ѝ рекол на публиката: „Мислам дека таа не сака да биде на сцената, луѓе“.
Снимката набрзо се прошири на интернет, каде што бројни корисници ја критикуваа жената поради реакцијата, која ја опишаа како ладна, но имаше и такви кои застанаа во нејзина одбрана.
„Ова се нарекува самодоверба“, „Доказ дека жените реагираат на енергија“, „Ни јас не би сакала да сум на сцената“, „Можеби е само срамежлива“, „Браво за неа, барем не е евтина ниту очајно жедна за внимание. Во денешно време најчесто се осудуваат токму оние скромните“, се дел од коментарите под објавата.
Подоцна таа се огласи и се идентификуваше како Габриел Шајен, тврдејќи дека никој не одбил да излезе на сцената и дека не ѝ пречело што илјадници луѓе ја гледаат на големите екрани во арената.
Габриел објасни дека првично со мајка ѝ имале места во партерот, по што тимот на Ашер им понудил преместување во ВИП-зоната. Додаде дека претходно не ѝ било кажано на кој изведувач ќе му се придружи на сцената, додека Ашер моментално е на турнеја со Крис Браун.
Во посебна објава таа се осврна и на коментарите дека требало да биде поинтимна со пејачот пред полната арена.
Денес
