Кара Делевињ не изгледала ни малку среќно додека во вторникот морала да чека во ред за влез на ревијата на Стела Мекартни за време на Модната недела во Париз. Познатата 33-годишна манекенка, облечена во црн топ без ракави и со сончеви очила, нестрпливо стоела со рацете на колковите зад група други жени, пишува „Daily Mail“.
Не ја препознале
Видливо изнервирана, Кара се обидела да се пробие напред велејќи: „Во ред, само ќе влезам, станува лудо“. Сепак, ја запрело обезбедувањето и побарало нејзин QR-код. Член од нејзиниот тим го информирал човекот од обезбедувањето дека „таа нема код“, на што Кара додала: „Ова е едноставно лудо“.
На крајот, актерката ги подигнала сончевите очила и прашала: „Можам ли да влезам?“, по што конечно ја препознале од обезбедувањето и ѝ рекле: „О, извинете, да, повелете“. Кара се заблагодарила и брзо влегла во зградата, а подоцна била видена како трпеливо чека во друг ред пред да го заземе своето место во првиот ред покрај Хелен Мирен.
Моден омаж на Битлси
Во текот на вечерта, Кара на необичен начин оддала почит на музичкото наследство на семејството Мекартни. Наместо гламурозен фустан, таа носела маичка со натпис од легендарната песна на Битлси, „Come Together“. Стела, ќерката на Пол Мекартни, ја претставила својата колекција за пролет/лето 2026.
Необичната маичка Кара ја комбинирала со фармерки и кожни модни додатоци, а во првиот ред ѝ се придружиле и други познати личности како Парис Џексон, Џена Колман, Вуди Харелсон и Ана Винтур.
Денес
