[ВИДЕО] Нападната флотата на Грета Тунберг, беспилотни летала погодија 11 бродови! Активисти носат помош во Газа и го обвинуваат Израел: „Користат експлозиви и хемиски агенси“

Во меѓународни води кај грчкиот остров Крит, Глобалната „Сумуд“ флотиља (GSF), составена од 51 пловило кои превезуваат хуманитарна помош за Појасот Газа, ноќеска била нападната од дронови.

„Corriere della Sera“ наведува дека на официјалниот Инстаграм-профил на флотиљата биле објавени обвинувања на сметка на Израел за овие напади.

„Израелските окупациски сили извршија најмалку 11 напади врз Глобалната „Сумуд“ флотила, која се наоѓа на 600 наутички милји од Газа, користејќи шок-бомби, експлозиви, а очигледно и хемиски агенси“, наведено е во објавата.

Флотилата тврди дека „Израел им се заканува и ги тероризира сите хуманитарни работници кои превезуваат помош во меѓународни води“.

„Бараме безбеден премин за флотилата. Да ја пробиеме опсадата на Газа“, се заклучува во објавата.

Курир пред една недела извести за пожар по наводен удар од дрон врз еден од бродовите на GSF кои носат помош за Појасот Газа, а на кој се наоѓала и шведската активистка Грета Тунберг.

Туниските власти, во чии води се случил инцидентот, ги негираа тврдењата на GSF дека станува збор за напад со дрон.

Во јуни, израелските сили влегоа на брод кој превезуваше хуманитарна помош за Појасот Газа и привремено ги уапсија 12 активисти на него, вклучувајќи ја и Тунберг.

Израелските власти ги испратија активистите до пристаништето Ашдод пред да ги депортираат од земјата.