На самиот крај од својот говор, Трамп ја изненади публиката повикувајќи ја Ерика Кирк, сопругата на Чарли, на сцената и прегрнувајќи ја пред речиси 100.000 луѓе.

Реакциите на јавноста се поделени

Моментот предизвика силни и поделени реакции. Додека некои ја сметаа прегратката за чин на поддршка и сочувство, други ја сметаа за сосема несоодветен чин за комеморативен настан.

„Нешто е чудно во врска со таа жена, ова е непријатно за гледање“, напишал еден корисник, додека други тврдат дека целата сцена делувала наметнато и инсценирано.

Некои коментатори отидоа чекор понатаму, тврдејќи дека Ерика Кирк изгледала како да „глуми“ на сцената, наместо навистина да чувствува болка од загубата. Критиките главно се однесуваат на впечатокот дека политичкиот момент бил ставен пред целта на собирот.

Прошталните зборови на Ерика

И покрај критиките, Ерика Кирк изговори емотивни зборови пред публиката што допреа многумина:

„Срцето ми е скршено, но простувам. Мојот сопруг Чарли сакаше да спасува млади луѓе, исто како што беше оној што му го одзеде животот. Му простувам затоа што тоа би го направил Христос и тоа би го направил Чарли. Одговорот на омразата не е омраза“, рече Ерика, поздравена со аплауз од публиката.

Нејзината проштална порака, изјавена на стадионот Стејт Фарм во Феникс, се обиде да го врати фокусот на она за што се залагаше Чарли Кирк - борба за младите и верба во простување.