Динамо Загреб режираше вистинска „бомба“ во самата завршница од летниот преоден рок во Хрватска, бидјеќи Звонимир Бобан успеа да договори фудбалер со импресивно искуство и педигре.
Исмаел Бенасер со години наназад беше клучен играч во системот на Милан, но таквата ситуација се промени пред една година, а оттогаш наваму стана јасно дека неговите денови се одбројани на „Сан Сиро“.
Иако имаше добар заем во Марсеј, Бенасер не успеа да направи трансфер за време на трансфер пазарот во топ 5 лигите, но сега по истекот на истиот, се реши за една неочекувана и интересна авантура.
Бенасер пристигнува во Динамо како позајмен фудбалер, но хрватскиот великан ќе има и право на откуп.
– Со големо задоволство објавуваме дека алжирскиот репрезентативец Исмаел Бенасер ќе го засили Динамо!
– Динамо и Милан постигнаа договор за едногодишна позајмица со опција за откуп. Бенасер доаѓа во Загреб, каде е предвидено да ги одработи лекарските прегледи пред да стави службен потпис на договорот, – објавија од Динамо.
Бобан како директор на Милан посебно го ценеше Бенасер и го истакнуваше како најважен играч во тимот, а неколку години подоцна, сега успеа да го доведе и во Динамо.
S velikim zadovoljstvom objavljujemo da će alžirski reprezentativac i veznjak AC Milana Ismael Bennacer pojačati GNK Dinamo!
— GNK Dinamo (@gnkdinamo) September 4, 2025
Dinamo i AC Milan postigli su dogovor o jednogodišnjoj posudbi s opcijom otkupa ugovora. Bennacer dolazi u Zagreb, gdje će obaviti liječničke preglede… pic.twitter.com/FaIGa55n5y
