Трогателна објава од семејството

Во емотивната објава, семејството се прости од Џес, истакнувајќи ја нејзината неверојатна сила и позитивен дух. „Нејзината позитивна енергија беше заразна, а нејзиното семејство и пријателите многу ја сакаа и уживаа во нејзиното друштво“, напишаа тие.

„Дури и додека се бореше со оваа страшна болест повеќе од 8 години, луѓето не можеа да поверуваат колку беше позитивна и силна. Повеќето луѓе дури и не знаеја дека Џес го носи сето тоа со себе, бидејќи секогаш скокаше, се смееше и силно чекореше низ животот.“ Семејството ја заврши пораката со: „Срцето ни е скршено и засекогаш ќе биде запаметена. Почивај во мир, драга моја xxx.“

View this post on Instagram

A post shared by Jess Hurrell (@_jesshurrell)

Се прости и сопругот Дејвид

Џес Хурел зад себе го остави сопругот Дејвид, со кого беше во брак од 2011 година, како и малолетен син и ќерка. Парот се запознал уште во училишните денови, а Дејвид се прости од сопругата на денот кога ќе ја славеа 14-годишнината од бракот. „Среќна годишнина, драга. Не можам да поверувам дека не ја дочекавме 14-та, но имав најневеројатни 25 години и благословен сум што те запознав. Спиј мирно xxx“, напиша тој во трогателната објава.

Шок и тага меѓу следбениците

Пред да стане популарна инфлуенсерка со блогот „Gold Is A Neutral“, Џес работела во национални весници, но го напуштила работното место по раѓањето на ќерката за да се посвети на својата страст кон уредувањето на ентериер. Веста за нејзината смрт ги шокираше нејзините бројни следбеници и колегите, кои во коментарите изразија сочувство и тага.

„Џес, беше толку сакана во оваа заедница и толку ќе ни недостасуваш. Срцето ми е скршено од оваа вест. Ја испраќам сета љубов на твоето прекрасно семејство“, напиша една колешка. Друга додаде: „Сè уште не можам да го сфатам светот без тебе. Секогаш ќе бидеш присутна. Живот и душа на секоја просторија во која влезе, а исто така и дел од мојот живот. Благодарам што влезе во мојот свет и го направи посветол. Те обожавам. Те сакам засекогаш.“