Маж отишол во болница откако му почнала да истекува гној од брадавицата. До тој момент тоа изгледало загрижувачки, но не премногу необично.
Маж, на 44-гдишна возраст, од Танзанија, се обратил кај лекарите затоа што од десната брадавица почнало да му тече гној. Првичниот сомнеж бил дека станува збор за инфекција, но по скенер на белите дробови лекарите забележале нешто што целосно ги изненадило. Имено, покрај гнојот, тие не забележале ништо алармантно кај пациентот. Во здравствениот извештај, пациентот е опишан како „во основа здрав“, без болки во градите, отежнато дишење, кашлица или температура.
Лекарите станале загрижени кога пациентот признал дека пред осум години бил „вклучен во насилна тепачка“. Тој им раскажал дека тогаш добил „повеќе посекотини на лицето, грбот, градите и стомакот“. Бидејќи живеел во град далеку од болницата, добил само основен медицински третман, а рендгенски снимки никогаш не биле направени.
Во белешките за случајот се наведува дека претходните осум години минале „без значајни проблеми… сè до сегашното пријавување“. Исто така, се наведува дека мажот пристигнал во болницата со „гној со непријатен мирис“ и со згусната кожа околу областа под десната брадавица.
Откако е направен рендген, откриен бил „остар метален предмет“, а лекарите сфатиле дека станува збор за нож, опкружен со „гној и некротично ткиво“. Ножот влегол во телото преку десното рамо.
Итно е препорачана операција, при која лекарите успеале да го извлечат ножот, а мажот бил прогласен за доволно стабилен за да се врати дома веќе десет дена подоцна. Сепак, во извештајот е нагласено колку имал среќа, бидејќи „иако пациентот добро се опоравил по операцијата, постоела значителна опасност дека задржаниот нож може да доведе до смртен исход“.
Стручњаците објасниле дека причината зошто пациентот успеал да преживее толку долго со ножот во градите е тоа што неговото тело успеало да „го обвие странскиот предмет со фиброзна капсула [цврст заштитен слој од ткиво], со што се ограничила воспалението и оштетувањето на ткивата“.
Меѓутоа, откако неговото тело почнало да исфрла гној, станало јасно дека му „истекува“ среќата и дека се развиваат „сериозни компликации“.
Извештајот е заклучен со зборовите: „Овој случај ја илустрира итната потреба за поголема свест и за подобрени протоколи за справување со трауми и безбедна хирургија во услови со ограничени ресурси.“
