Ферер, која во филмот ја толкува помладата верзија на ликот на Блејк Лајвли, поднела тужба против Балдони поради, како што наведува, негово „непримерно однесување“ кон неа откако примила судски повик.

Ферер е повикана како сведок во постапката што ја покрена Лајвли. Откако доставила барање продукциската куќа на Балдони да ги покрие нејзините правни трошоци, што според договорот ѝ следува, добила неочекуван одговор.

Тврди дека ѝ се заканувал и се обидел да ја манипулира

Адвокатите на младата актерка тврдат дека тимот на Балдони побарал таа најпрво да им го достави својот одговор на судскиот повик, а дури потоа би добила исплата на трошоците. Според тужбата, од тој момент Балдони започнал да се обидува да ја манипулира, да ѝ се заканува и да воспостави контрола врз неа.

Нејзиниот правен тим дополнително посочува дека Балдони поднел и правен предлог против Ферер, што тие го сметаат за обид за вознемирување и создавање дополнителен притисок. Како резултат на тоа, Ферер почнала да прима навредливи пораки и закани преку социјалните мрежи.

„Ова е само уште еден пример за однесувањето на Балдони, со кое тој се обидува да ја заплаши и уценува мојата клиентка“, се наведува во поднесокот на нејзините адвокати.

Неговата тужба беше отфрлена

Да потсетиме, случајот започна кога Блејк Лајвли го обвини Балдони, кој е и режисер и актер во филмот, за сексуално вознемирување. Тој возврати со противтужба вредна 400 милиони долари против Лајвли и нејзиниот сопруг Рајан Рејнолдс, обвинувајќи ги за клевета и уцена. Сепак, во јуни оваа година неговата тужба беше отфрлена.