Како последица на сериозната закана од поларни мечки, носењето огнено оружје надвор од населено место е законска обврска, додека пак сонцето не заоѓа по 100 дена годишно, а во текот на зимата е целосен мрак. Добредојдовте во Свалбард – местото каде природата ги диктира правилата на животот.
„Животот тука е екстремен. Сонцето не заоѓа по 100 дена годишно. Поларниот ден трае од крајот на април до крајот на август, што значително го нарушува сонот и биолошкиот ритам на жителите“.
Свалбард, најголемиот и единствено трајно населен остров, зазема површина од околу 37.700 километри квадратни во Арктичкиот океан, а во него живеат околу 2.000 жители. Не е ниту чудно што архипелагот целосно е под управа на оваа земја.
Просечната плата таму изнесува околу 2.500 евра месечно, но трошоците за живот не го следат тој износ.
Климата е сурова, тлото во поголем дел е замрзнато, па од него ништо не расте. Цела храна таму пристигнува со бродови или авиони. Трошоците за храна за двајца возрасни може да достигнат и до 1.200 евра месечно, што дополнително го оптоварува домашниот буџет.
Таквиот живот не може да го издржи секој. Во текот на поларниот ден, сонцето не заоѓа до 100 дена, додека пак во текот на поларната ноќ, наредните четири месеци владее целосен мрак.
Оружје како мерка за заштита од поларните мечки
На Свалбард законски е пропишано дека секој кој ќе го напушти населеното место мора да носи средство за заштита од поларните мечки, најчесто пушка или пиштол за сигнализација.
Оружјето не е дозволено да се внесува во внатрешноста на населението, односно доколку се внесе мора да биде празно.
Пиштолите и сачмарките се дозволени со специјализирани дозволи, но пушките се најповолни со оглед на вонредните арктички услови.
Дозволата за носење оружје се издава од страна на норвешката канцеларија на гувернерот на Свалбард, а во процесот е и задолжителен курс за безбедно ракување со оружје, особено за туристите и истражувачите.
