Ако барате место кое сè уште успева да му одолее на масовниот туризам, посетете го Торшавн – главниот град на Фарските Острови. Среде Атлантикот, овој град го комбинира минатото со нордискиот шарм.
Торшавн има помалку од 25.000 жители, но и покрај малиот број луѓе, градот нуди сè – од современа уметност до тишината на рибарските пристаништа и секојдневната глетка на бродовите. Именуван по нордискиот бог Тор, градот го носи неговото име со причина – окружен е со дива природа, бури, сурово море и магливи предели.
Тинганес, стариот дел на Торшавн, е едно од најстарите парламентарни седишта во светот. Уште во периодот околу 900 година, викиншкиот парламент се состанувал тука, а денес во истите простории работи премиерот – без обезбедување, протоколи и затворени врати.
Поради мрачната атлантска клима, жителите на Торшавн внеле бои во својот секојдневен живот – куќите се светлосини, црвени и жолти. Освен што го разубавуваат градот, шарените фасади помагаат во справувањето со долгите, сиви зими.
Во Торшавн, велосипедите не се заклучуваат, кафулињата се тивки, а луѓето се пријателски расположени, но ненаметливи. Нема толпи, маркетинг или голем број туристи – само град кој живее во мирно, природно темпо.
„Ако сакате дестинации кои не се под рефлекторот на масовниот туризам, ако сте заинтересирани за комбинација од природа, историја и култура без стрес – Торшавн е вистинскиот избор. Мал, но со душа поголема од многу метрополи, овој град покажува како изгледа кога луѓето живеат во хармонија со природата, минатото и – едни со други“, пишува Putoholicari.hr.
