Еден од најпопуларните јутјубери на денешницата, "IShowSpeed", моментално престојува во Белград и беше забележан како шета по улиците на српската престолнина, при што ја посети и тврдината Калемегдан.
Како што и се очекуваше, за време на посетата, тој носеше дрес на српската репрезентација со бројот 7, а на грбот, на кирилица, пишуваше „Спид“.
Посетата на Србија е дел од негова европска турнеја, во рамките на која планира да ги обиколи поранешните југословенски републики. Домашната јавност го запамети по неговото појавување на доделувањето на Златната топка во Париз во 2023 година, кога Новак Ѓоковиќ се пошегува претставувајќи се како фудбалер на Милан.
Според некои извештаи, Спид тогаш не знаел кој е Новак Ѓоковиќ, нешто што обожавателите на најдобриот тенисер на светот очигледно не му го заборавиле – па на Калемегдан го гаѓале со дрес од Лионел Меси.
Познато е дека јутјуберот не е љубител на Меси, туку е голем фан на Кристијано Роналдо, што веројатно е и причината зошто го носи дресот со бројот 7.
Како и секогаш, Спид пренесуваше сè во живо на својата стриминг платформа, при што во еден момент го следеа повеќе од 41 милион гледачи.
На Калемегдан одигра и кратка партија кошарка, а дечињата кои го пречекаа со огромно воодушевување – му подарија пакување смоки.
Претходните денови "IShowSpeed" престојуваше и во Хрватска.
