Според прогнозите на NASA, до крајот на 2050 година поголем дел од територијата, заедно со клучната инфраструктура, би можела да се најде под вода како последица на забрзаниот раст на морето. Жителите веќе сега мора да ги напуштат своите домови.

Тувалу е држава сместена во западна Полинезија, на Тихи океан. Овој архипелаг има помалку од 11.000 жители распоредени на површина од само 25 километри квадратни, што ја прави втора најмала населена држава на светот, веднаш после Ватикан.

Тувалу ја чека пропаст, а луѓето веќе заминуваат

За жителите на Тувалу времето истекува. Повеќе од третина од популацијата веќе се обидува да ја напушти својата земја поради сѐ поголема опасност.

Според предвидувањата на NASA, поради драстичниот пораст на нивото на морето, поголем дел од територијата, вклучувајќи ги и најважните инфраструктури, би можела да биде потопена до 2050 година.

Австралиската влада годишно нуди 280 визи кои овозможуваат траен престој, пристап до здравствена заштита, образование и други услуги.

За многумина тоа е „златна карта“ за нов почеток. Сепак, бројот на достапни места е капка во морето на потреби, а судбината на останатите жители на Тувалу останува неизвесна.

Иако Австралија и Нов Зеланд финансираат проекти кои треба да ја заштитат Тувалу од последиците на климатските промени, нивната ефикасност е под знак прашалник.

Тувалу не е единствената земја во борбата за опстанок

Тувалу не е осамена во оваа борба. И Малдивите се соочуваат со слични проблеми. Научниците предвидуваат дека до 2050 година дури 80 отсто од територијата на овие островски земји би можела да стане непогодна за живот.

Властите на главниот град на Малдиви веќе работат на проектот „пловечки град“ којшто би требало да ги заштити жителите од поплави.