Ливерпул испрати голема експедиција на вчерашниот погреб кој се одржа во Гондомар за браќата Диого Жота и Андре Силва, а во ситуација кога фановите останаа трогнати од венците кои ги носеа Вирџил Ван Дајк и Енди Робертсон, денеска на социјалните мрежи преовладуваат и пораки со кои се напаѓа една ѕвезда која не беше дел од тажниот чин.
Португалската јавност се насочи на непојавувањето на Кристијано Роналдо и веќе слушнавме повеќе објаснувања за неговото отсуство, но фановите на Ливерпул во последните неколку часа се посебно бесни на видеата кои пристигнаа од Колумбија.
-Diogo Jota cuando secuestraron al papá de Luis Díaz.
— AbueloEmberracado (@Criticolombia2) July 6, 2025
-El día del sepelio de Diogo Jota.
Así no era Lucho! pic.twitter.com/C1ayZsPwsR
Луис Дијаз доби огромна поддршка од Жота во времето кога беше киднапиран неговиот татко и Диого славеше погодок за првиот тим со дрес на Колумбиецот, но во моменти кога вчера траел погребот на португалскиот репрезентативец, Дијаз бил дел од промотивен акт со познати тиктоктери и стримери во родната земја.
Luis Díaz con streamers y influencers mientras es el funeral de Diogo Jota siendo que éste le apoyó cuando secuestraron a su padre
— 🕊️ (@Alexaxfcb) July 5, 2025
No lo quiero en mi club. pic.twitter.com/MF7AY5bVjn
Активностите на Дијаз во ваков сензитивен момент наидоа на огромни критики од страна на фановите на Ливерпул, особено поради тоа што пристигнаа и објави на Инстаграм на кои се гледа дека е насмеан.
Прикажаните фотографии нависитна оставаат лоша слика за колумбиското крило, без разлика на тоа што клубот прави максимални напори да му го продолжи договорот и да го оддлачи од Барселона.
