[ВИДЕО] Арсенал го одврза ќесето и ја испорача првата летна трансфер „бомба“

Шпанскиот репрезентативец една година подоцна ќе си го оствари сонот да заигра во Премиер лигата, но тоа ќе го прави во други бои, од едноставна причина што лани во финишот од летниот преоден рок го одби Ливерпул.

Зубименди реши да остане барем уште една сезона во Реал Сосиедад, но 10 месеци подоцна, најодлучен за негов ангажман се покажа Микел Артета.

Шпанскиот стручњак го добива посакуваното засилување во средниот ред кое се очекува да ја менува улогата на Томас Парти, а за исполнување на тоа задоволство, Арсенал мораше да издвои 65 милиони евра.

Во една фаза од месец јуни, се доби впечаток дека Реал Мадрид може да ја расипе договорената зделка на Арсенал поради влијанието на Чаби Алонсо, но сепак „топчиите“ се покажаа како најистрајни во преговорите и денеска со големо задоволство го претставија дефанзивниот играч за врска.