Американски тенисер збесна откако судијата го прекина мечот кога требаше да сервира за победа

Американскиот тенисер имаше водство од 2:0 во сетови и 5:4 во третиот сет во дуелот со Ринки Хиџиката, а судијата и официјалните лица решија да го прекинат мечот во тие моменти.

Недоволното светло е причина за одлуката да се прекине мечот, одлука која предизвика бурна реакција кај тенисерот кој требаше да сервира за победа и да го потврди пласманот во следната рунда.

Она што дополнително влијаеше на ваквото однесување на Шелтон веројатно е и фактот што испушти три меч топки на сервисот на противникот, а претходно прашувал и дали мечот треба да биде прекинат пред почетокот на третиот сет.