Според едно истражување спроведено од страна на финансиска институција, 78 отсто од испитаниците изјавиле дека чувствуваат финансиски стрес. За да се намали, или во идеален случај, целосно елиминира, ваквиот стрес, постојат чекори што можеме да ги преземеме како поединци за повторно да го изградиме нашето финансиско здравје во тешки околности.
Овие чекори го носат името финансиско здравје и имаат за цел да понудат охрабрување среде чувството на безнадежност.
Што претставува финансиското здравје?
Финансиско здравје значи преземање чекори за подобрување на финансиската состојба. Тоа е динамична поврзаност меѓу финансиските ресурси на една личност и нејзината физичка, ментална и социјална благосостојба.
Постојат три нивоа на финансиско здравје:
• ранлива состојба;
• преживување;
• здраво управување.
На многумина не им се потребни истражувања за да знаат дека борбата со долгови и ниски приходи ја влошува психофизичката состојба. Финансискиот стрес директно влијае на телото, умот и социјалните односи.
Но, истражувањата сепак можат да ни помогнат да се чувствуваме разбрани и потврдени додека се справуваме со финансиски предизвици.
Како влијае финансискиот стрес?
„Financial Health Institute“ го дефинира финансискиот стрес е состојба што произлегува од финансиски настани кои предизвикуваат анксиозност, грижа или чувство на недостиг. Тој често е проследен со физички симптоми – забрзано чукање на срцето, зголемено потење, несоница, раздразливост.
Истражувања покажуваат дека финансиските проблеми често доведуваат и до проблеми со менталното здравје. Во една студија на Универзитетот Јејл, истражувачите забележале дека долговите се главна причина за анксиозност, депресија, па дури и изолација. Заклучокот бил дека ако се решат финансиските проблеми, може значително да се подобри и менталното здравје.
Во секојдневието, финансискиот стрес може да доведе до:
• претерано трошење (како облик на „шопинг терапија“);
• претерано ограничување (каде личноста се лишува дури и од основни потреби);
• Двете крајности се штетни – не водат кон стабилност.
Кои се чекорите за подобрување на финансиското здравје?
1. Вежбајте свесност при трошење
Свесноста за пари значи да бидете присутни и трезвени кога носите финансиски одлуки. Пред да купите нешто – дури и ако е мала сума – застанете, вдишете трипати и прашајте се: Дали навистина ми треба ова?
На овој начин, ќе ја намалите импулсивната потрошувачка и ќе ја зголемите контролата врз буџетот.
2. Воведете неделна „финансиска велнес“ навика
Секој крај на неделата, издвојте 10–15 минути да направите преглед:
• Што сте потрошиле?;
• Што би можеле да намалите?;
• Што сте направиле добро и што можете да прославите?.
Дури и ако сте заштедиле само 100 денари – тоа е успех што гради дисциплина и доверба во себе.
