Многу од луѓето за појадок јадат каша, меѓутоа во морето разни каши тешко е да одлучите која од нив е најдобра за здравјето.
Ендокринологот Наталија Лазуренко изјавила дека најкорисни се житарките како хељда, див ориз, јачмен.
Според зборовите на експертката, овие житарки можат да се наречат и најкорисни затоа што содржат голем број витамини и микроелементи, како и многу растителни влакна.
„Телото ги добива неопходните микроелементи и витамини кога јадете, но истовремено троши енергија на варење на храната“, објаснува докторката.
Наталија додала дека кашите содржат и многу витамин Б којшто за возврат помага во подобрување на метаболизмот, одржување на стабилно ниво на добриот холестерол и задржување на функционалноста на организмот. Освен тоа, витамините Б се важни за борбата против стрес, разни вируси и пренесување на импулси до централниот нервен систем.
Кашите содржат и растителни влакна кои се хранлив медиум за цревната микрофлора со што се стимулира нејзината работа.
„Таквите житарки не само што ја заситуваат личноста со јаглехидрати, кои се енергетски ресурс, туку не дозволуваат нивото на гликоза и инсулин да се зголеми“, тврди докторката.
Најдобро време за ова јадење е првата половина од денот, односно наутро.
„Овој појадок е заситен оброк којшто нема да ве остави гладни долго време. А, за да ја извлечете најголемата корист од него, може да додадете и растително масло и овошје или печурки без скроб“, советува докторката.
Денес
