Денес познат по своите импровизирани музички настапи, Марк Ребије започнал необично патување кон славата – во редот за првиот "iPhone".
Неочекуван деловен потег
Во 2007 година, "Apple" се подготвуваше за лансирање на првиот "iPhone", а интересот за овој уред беше огромен. Луѓето кампуваа со денови пред продавниците за да го добијат револуционерниот телефон.
Еден од тие ентузијасти беше и Марк Ребије, кој на 18 години чекал во ред од 6 часот наутро пред продавницата "AT&T" во Далас, Тексас.
Но, она што започна како обично чекање, се претвори во неочекувана заработка. Додека седел на склопиво столче, му пришла нетрпелива жена, која сакала да влезе пред сите и го прашала колку пари бара за своето место во редот.
Се покажало дека жената носела 100.000 долари во кеш, со план да купи што повеќе iPhone уреди. Според правилата, секој купувач можел да земе само еден телефон, па по кратко преговарање, Ребије го продал своето место во редот за 800 долари.
Со тоа, заработил 66,66 долари по час – доволно да си купи iPhone и да му останат уште 300 долари.
Од случајна зделка до светска слава
Речиси две децении подоцна, Марк Ребије стана едно од најголемите имиња во музичката импровизација и забава.
Неговиот "YouTube" канал има над 2,42 милиони претплатници, а неговите енергични и хумористични настапи го одведоа на големи фестивали и во престижни концертни сали.
18 years ago, this guy sold his spot in line for $800 for the first iPhone release and got a hell of a deal 😂 pic.twitter.com/e3SksUt06I
— Dudes Posting Their W’s (@DudespostingWs) March 31, 2025
Според податоците од платформата "Hafi", која ги следи приходите на социјалните мрежи, Ребие во последната година заработил меѓу 784.819 и 1.041.264 долари – што е 98.000% повеќе од парите што ги добил за местото во редот за "iPhone".
Ако неговото појавување на "Fox 4 News" во 2007 година го сметаме за почеток на неговата кариера, тогаш тие 800 долари се покажаа како совршена инвестиција во иднината.
