Иако барот се рекламира со „луксузна атмосфера и поглед што одзема здив“, туристите раскажуваат сосема поинакво искуство – со сметки кои достигнуваат и до 400 евра за неколку пијалоци и тактики што личат на класична туристичка измама.

“Не, благодарам” – но тогаш почна ценкањето?!

Британскиот турист Натан, раскажува дека само побарал место на сонце и точено пиво. Одговорот бил „1 литар кригла пиво – 100 евра“!

„Кога одбив, почнаа да ја намалуваат цената, буквално како на пазар“, пишува тој. „Се чувствувавме измамено и веднаш си заминавме, а на крај пиевме пиво за 7 евра во друг бар, со многу подобра атмосфера.“

„Бесплатни“ лежалки, ама потоа шок: 400 евра сметка!

Слична приказна има и туристката Су, која со пријателите наивно прифатила „бесплатни лежалки“. На крајот, добиле сметка од речиси 400 евра, а дури им наплатиле и пијалоци што не ги нарачале!

„Безалкохолен пијалок Кока Кола чинеше 35 евра по парче!“, раскажува таа шокирано.

„Tripadvisor“ реагира: официјално предупредување за туристите

Поради растечкиот број поплаки, „Tripadvisor“ постави предупредување на страницата на „DK Oyster“:

„Има неодамнешни извештаи во медиумите за несоодветно однесување и ценовни злоупотреби кои можеби не се одразени во сите рецензии.“

Менито како од луксузна бајка:

• Шардоне (чаша): 130 евра;

• Просеко (2 чаши): 136 евра;

• Аперол Шприц: 58 евра;

• Џек Дениелс: 49 евра.

Еден гостин вели дека платил над 100 евра само за “залак рак и услуга”, а слични приказни кружат со години.

Сопственикот возвраќа: „Туристите лажат!“

Сопственикот Димитриос Каламарас ги демантира обвинувањата, тврдејќи дека туристите „лажат за да јадат бесплатно“ и се преправаат дека се инфлуенсери.

Но, британски новинари од „MailOnline“ направиле тајна проверка и завршиле со иста скапа сметка. Понатаму, грчките власти спроведоа инспекција и открија низа даночни прекршоци, па ресторантот беше казнет со 31.000 евра.

Совет до туристите: Читајте рецензии пред да седнете

Овој бар можеби има поглед како од разгледница, но според бројни сведоштва – цената не вреди. Ако планирате одмор во Грција, проверете ги рецензиите и внимавајте каде ги трошите своите пари.

Понекогаш едно „бесплатно пиво“ на плажа може да ве чини повеќе од цел ручек во таверна!