Планетата Венера утре ќе помине меѓу Земјата и Сонцето за време на таканаречената инфериорна конјукција, а поради исклучителната близина на планетата, овој настан е наречен и „бакнеж на Венера“, објавија странските медиуми.
Таквото усогласување се случува на секои 19 месеци поради начинот на кој Венера и Земјата орбитираат околу Сонцето, а моментот на инфериорно спојување се случува околу 21 часот во источното стандардно време во САД.
Венера ќе биде исклучително тешко да се види бидејќи има фази како Месечината, а пред и по спојувањето ќе изгледа како тенка полумесечина која може да се види само со телескоп.
„Отсјајот од сонцето го прави навистина, навистина тешко да се види“, рекла Мишел Николс од планетариумот Адлер во Чикаго.
По спојувањето, Венера ќе биде видлива на утринското небо непосредно пред изгрејсонце.
