Неколку недели откако Биткоин го достигна својот максимум, неговата вредност нагло опадна.
Како што Биткоин се движеше во нагорна линија во првите денови од администрацијата на Доналд Трамп, голем број нови инвеститори влегоа на пазарот. Имаше големи играчи кои ги зголемија своите влогови, но и многу „обични“ луѓе кои беа заразени од златната треска. Неколку недели по инаугурацијата на Трамп, Биткоин почна да тоне, а токму тоа ги погоди новите инвеститори.
Неколку недели откако достигна својот максимум, вредноста на Биткоин падна на 80.000 долари, што е за една четвртина помалку во однос на врвот постигнат во јануари.
Бран инвеститори што влегоа на пазарот во трка по растот на Биткоин над 100.000 долари, сега се под сериозен притисок поради овој пад. Во последните три месеци, создадени се најмалку 20 милиони нови биткоин адреси.
Односот меѓу купопродажните цени на Биткоин, познат како коефициент на потрошен излезен профит (SOPR), падна на 0,95 – што е најниско ниво во последната година и првпат негативен од октомври. Оваа состојба укажува дека неодамнешните купувачи претрпеле значителни загуби, а условите за новите инвеститори се крајно предизвикувачки.
Најголемата светска криптовалута достигна рекордни 109.071 долари во јануари, но од тогаш загуби голем дел од добивките стекнати по американските избори, главно поради загриженост околу тарифната политика на САД.
