Хекмен го имаше своето филмско деби во 1960-тите и во текот на својата кариера освои бројни награди, меѓу кои и два Оскари и Златен глобус.

Два Оскари во неговата кариера

Џин Хекман освои два Оскари. Првиот го доби за најдобар актер за улогата на детективот Џими Дојл во „Француската врска“ (1971). Во овој криминален трилер, Хекман се истакна како жилав детектив од Њујорк, кој се обидува да го разбиe синџирот на трговија со дрога. Неговата изведба беше клучна за успехот на филмот, кој освои и Оскар за најдобар филм.

Второто признание беше за најдобра споредна машка улога во филмот Unforgiven (1992), каде што Хекмен играше садистички шериф кој користи брутални методи за да го одржи редот во својот град. Овој вестерн, режиран од Клинт Иствуд, освои бројни награди, вклучувајќи и Оскар за најдобар филм, а изведбата на Хекмен беше клучна за неговото признание.

Награди и признанија

Хекмен беше номиниран и за Оскар за неговите улоги во филмовите „Бони и Клајд“, „Никогаш не пеев за татко ми“ и „Мисисипи гори“, но не ги освои тие награди.

Покрај Оскарите, Хекмен доби и Златен глобус за улогите во филмовите „The French Connection“, „The Royal Tenenbaums“ и „Unforgiven“. Тој ја доби и наградата Сесил Б. де Мил за животно дело. Освен тоа, ја доби и наградата БАФТА за „The French Connection“.

Хекмен има освоено бројни други награди од американски и меѓународни филмски критичари, вклучувајќи ја наградата на Здружението на филмски критичари во Лос Анџелес, наградата на кругот на филмските критичари во Њујорк и наградата на Друштвото на филмски критичари во Бостон.