"Lamborghini Egoista" е уникатен концептен автомобил создаден од "Lamborghini" за да ја прослави својата 50-годишнина во 2013 година. Не требаше да се продава, но се чини дека тоа се случува.
Идејата била овој примерок да биде сместен во музеј, па оттука и името "Egoista", што на италијански значи „себичен“, но сега се појавија информации дека добиле понуда од "Lamborghini" која не можат да ја одбијат.
Наводно, "Lamborghini Egoista" била продадена на колекционер за 117 милиони долари.
Според дизајнерот, "Lamborghini Egoista" е концептен автомобил кој „го носи хедонизмот до крајност“, а е „себичен“ бидејќи има едно седиште, па возачот мора да го тргне воланот за да влезе во автомобилот.
Во внатрешноста има "head-up" дисплеј заедно со безброј копчиња и прекинувачи, а моторот е 5,2-литарски "V10" кој произведува 600 коњски сили.
"Egoista" се базира на "Gallardo" – сè, од шасија до мотор - доаѓа од стариот суперавтомобил на "Lambo", кој, патем, го држеше рекордот за најпродаван модел на марката додека не се појави "Urus".
Во текот на изминатите неколку недели, неколку извори објавија дека "Lamborghini" го продал автомобилот на неименуван колекционер, но не постои начин да се потврди ова со сигурност и, ако навистина се случило, можеби ќе бидат потребни неколку години за да се открие.
Поради некоја причина, ова често се случува со "Lamborghini", но генерално, приватните набавки не се толку ретки, а производителите рутински продаваат исклучително ретки автомобили директно на купувачите.
