При посетата на Северна Ирска, принцот Вилијам имаше можност накратко да му се врати на старото хоби од кое се откажа пред неколку години. Принцот од Велс го посети „Virtual Production Studio“ на кампусот на Универзитетот Алстер во Белфаст, каде седна на мотор и се возеше низ виртуелниот пејзаж кој наликува на пустината Аризона.
Во младоста возеше мотори
„Изгледа дека некој навистина треба да го провози ова“, додаде тој, прашувајќи дали моторот може да се помести од местото. Кога се симна од моторот, Вилијам со насмевка додаде: „Го обожувам тој звук на моторот“, пред да го опише виртуелното искуство како „неверојатно реално“.
Принцот Вилијам во младоста сакал да вози мотори, но во 2015 година неговата сопруга Кејт Мидлтон призна дека ова негово хоби секогаш ја загрижувало. „Сè уште вози“, рече тогаш Кејт. „Секогаш ме плаши кога оди на возење. Многу се плашам. Се надевам дека ќе успеам да го држам Џорџ подалеку од тоа“, додаде Кејт.
„Татко сум на три деца. Морам да ги смирам страстите“
Три години подоцна, за време на посетата на островот Ману во 2018 година, Вилијам откри дека се откажал од хобито.
„Јас сум татко на три деца. Морам да ги смирам страстите“, изјави тогаш. „Ми недостигаат долгите патувања, за мене возењето на мотор отсекогаш значеше дружба со екипата“, рече тој.
