Честопати читаме за ентузијасти низ светот кои користат детектори за метал за да бараат скапоцености во рурални средини и на крајот се изненадени од нивните откритија.
Таквa е приказната на Пол Кејпвел од Англија, поточно Јужен Кембриџшир, каде што овој 59-годишен аматерски истражувач пронашол ретка монета која се датира од времето на императорот Трајан, околу 107 година од нашата ера.
Интересно е што Кејпвел го посетувал истото поле во последните 20 години, постојано барајќи скапоцености, пишува „Мирор“.
„Досега најдов неколку римски и средновековни монети, но ова е моето највозбудливо откритие. Тој ден ископав неколку потрошени гранати и решив да се вратам до автомобилот. Тогаш се огласи детекторот и на длабочина од 20 сантиметри видов паричка“, рекол тој.
Овој артефакт е исклучително редок, а аукциската куќа „Нунас“ тврди дека само два примеока се видени на пазарот во последните 25 години.
„Монетата е искована во времето на царот Трајан во 107 година од нашата ера, откако тој ги повлекол од оптек сите истрошени републикански монети“, рекол експертот Најџел Милс.
A silver coin unearthed by a metal detectorist in a field he had been visiting for more than 20 years is expected to fetch up to £6,000 at auction.
— London Live (@LondonLive) October 16, 2024
Retired builder Paul Capewell described the Roman coin as his “most exciting find so far”.
The 59-year-old of Selston in… pic.twitter.com/wOlZx0YYYr
Оваа монета се очекува да биде продадена на аукција на 22 октомври за значителна сума, а почетната цена се проценува меѓу 6.000 и 7.000 евра.
Кејпвел ќе го подели неочекуваниот приход со сопственикот на полето, каде што е пронајдена паричката. Тој вели дека ќе го потроши на нов детектор за метал, или на лекување.
