Вработените се плашат од нејзините навреди и се откажуваат по само неколку месеци
Се повеќе луѓе од тимот на принцот Хари и неговата сопруга Меган Маркл ги напуштаат своите работни места. Според Холивуд Репортер, последниот вработен од нив си заминал по само три месеци работа, а со тоа станал нов член на „клубот на преживеаните“, како што на шега се шегуваат поранешните вработени на оваа тема. Прашањето е зошто си заминуваат?
Еден од нив откри дека единствената причина е одвратното однесување на Меган Маркл кон нив.
„Постојано ги омаловажува луѓето со тоа што им дава до знаење дека е над нив, не ги прифаќа туѓите совети дури и кога греши, се однесува како диктатор. И таа и Хари носат лоши одлуки и често се предомислуваат, а нејзиниот збор е пресуден.
Таа прави едно, а потоа бара нешто сосема друго, дрско негирајќи дека таа го кажала првото нешто. Хари е многу шармантен, но таа е ужасна и ги држи сите конци во свои раце. Таа е толку непријатна што сите бегавме од неа. Затоа толку брзо го напуштивме работното место - изјави еден вработен.
Наводите за нејзиниот тежок карактер и лошо однесување датираат од 2018 година, кога двајца вработени во Бакингемската палата ја пријавиле војвотката за малтретирање. Иако резултатите од истрагата никогаш не беа објавени, Меган тогаш се бранеше дека против неа се води негативна кампања. Претходно, изворите рекоа дека таа е позната по тоа што има лут темперамент, поради што го добила прекарот „Тврда војвотка“.
- Маршираше со високи потпетици како диктатор и цело време даваше наредби. Гледав возрасни мажи како плачат над неа. Често во пет часот наутро знаела да прати мејл со дневни задачи кои моравме веднаш да ги започнеме – открил изворот.
Од друга страна, нејзините пријатели тврдат дека никогаш не ја виделе ваква и ги демантирале сите овие наводи за неа.
