Можете да користите циметот во прав, да го додадете како кора или да го користите неговото масло, во секој случај придобивките за вашето тело се повеќекратни.
Циметот е зачин кој потекнува од истокот и е еден од најстарите зачини. Најмногу се одгледува во Кина, Индија, Индонезија и Шри Ланка. Порано циметот беше многу оскуден во европските земји, беше скап и ексклузивен зачин, додека денес го има насекаде и по ниски цени. Кај нас се користи како прашок или како кора. Има цејлонски цимет и касија цимет (кинески цимет) присутен во Бурма.
Цејлонскиот цимет се продава во форма на стапчиња и има понежна и зачинета арома. Касија циметот има малку поостар вкус дури и кога се меле. Карактеристично е што го боцка јазикот, па може да се користи за егзотични јадења и сосови. Циметот го забрзува согорувањето на мастите, ја подобрува визуелната меморија, го намалува нивото на шеќер во крвта и ги намалува мастите како борец против холестеролот. Богат е со минерали и витамини. Тој е одличен извор на манган, железо, калциум, цинк, витамин Ц и рибофлавин.
Нутриционистката Лиза Ричардс советува дека најдобро е да пиете домашно црно кафе без додаден шеќер и млеко. Затоа што на тој начин нема да внесуваме непотребни калории. Но, нејзиниот посебен трик е еднаш дневно да додава малку цимет во кафето.
Лиза вели дека на личен пример дознала колку е моќно кафето во комбинација со цимет. Имено, секое утро таа додавала по една кафена лажичка од овој зачин во својот омилен пијалок. За еден месец забележала значителна разлика во тежината.
„Циметот ја стимулира термогенезата во телото“, објаснува Ричардс, „и на тој начин доведува до топење на масните наслаги“.
"Тоа е процес на загревање на телото и може да предизвика да согоруваме повеќе калории. Покрај тоа, циметот е природна опција за стимулирање на термогенезата и секако е подобар избор од разни додатоци кои можат да го направат истото", објаснува таа.
Напоменува и дека ова не е волшебна напивка и дека резултатите нема да бидат видливи без корекција на исхраната и воведување физичка активност, но секако ќе помогне.
Здравствените придобивки од циметот се одамна познати, па не е чудно што маслото од овој зачин има бројни корисни ефекти врз нашето здравје.
Го зајакнува имунитетот – Поради антиоксидансите, но и манганот, калциумот, влакната и железото, маслото од цимет го зајакнува имунолошкиот систем. Покрај тоа, има антибактериски, антивирусни и антигабични својства.
Го стабилизира шеќерот во крвта - Истражувањата покажаа дека консумирањето додатоци од цимет два пати на ден во тек на 90 дена го подобрува нивото на хемоглобинот A1C кај оние кои страдаат од дијабетес. Маслото од цимет ги има истите придобивки кога станува збор за стабилизирање на нивото на шеќер во крвта.
Ги намалува болките – Само две капки масло од цимет измешано во топла вода ја намалуваат желбата за прејадување, особено навечер. Истото дејство го има и самиот мирис на маслото од цимет, доколку благо го вдишете пред самиот оброк. Маслото од цимет го намалува апетитот и го спречува прекумерното внесување храна.
Побрзо зараснување на раните – Иако студиите покажаа дека маслото од цимет го забрзува зараснувањето на раните, исто така содржи состојки кои можат да предизвикаат иритација. Затоа, маслото не го нанесувајте директно на кожата, туку користете го како облога.
Подобро варење – Пиењето топла вода со неколку капки масло од цимет го забрзува варењето и спречува запек.
Габични инфекции – Поради состојките што ги содржи, маслото од цимет ги намалува габичните инфекции на кожата и ноктите. Меѓутоа, кога станува збор за зараснување на раните, не го нанесувајте маслото директно на кожата.
Заболување на непцата - Маслото од цимет има антибактериско дејство кое спречува кариес и болести на непцата. Измешајте неколку капки масло со паста за заби или само нанесете масло на четката и масирајте ја во непцата и забите.
Денес
